Л.Алтанхуяг тэргүүтэй этгээдүүд зэвсгээр айлган сүрдүүлж, эд хөрөнгө дээрэмддэг байжээ

Цагдаагийн байгууллагаас энэ оны I улиралд бүртгэгдсэн гэмт хэрэг зөрчлийн талаарх нөхцөл байдлыг танилцууллаа. Энэ үеэр урьд нь ял шийтгэл эдэлж байсан эрүүгийн нөлөө бүхий бүлэг этгээдүүд зэвсэг, зэвсгийн чанартай зүйлс ашиглаж бусдын хөрөнгийг авахаар заналхийлэх, айлган сүрдүүлэх, хүчирхийлэх зэрэг гэмт хэргийг үйлдсэн талаар өмнө нь мэдээлэв.

Уг хэргийн талаарх мэдээллийг урьдчилсан байдлаар өмнө нь мэдээлсэн билээ. /ЭНД дарж уншина уу/

Хэргийн талаар сануулахад бусдын захиалгаар хүн айлган сүрдүүлж, бэлгийн дур хүслээ ёс бусаар хангасан байдаг. Ингэхдээ 15 этгээд хамтран үйлдсэн билээ.

Ука хочит Л.Алтанхуягийн захиалснаар Хулнаа хочит Б.Хулансамбуу, Ууганаа хочит Б.Ууганзаяа, Сайхнаа хочит П.Энхсайхан нар энэ сарын 5-7-ны өдрүүдэд нэр бүхий иргэний эд хөрөнгийг авахаар заналхийлсэн байдаг. Ингэхдээ Улаанбаатар хотын нутаг дэвсгэрт байрлах хоёр орон сууцны эзэмших гэрээг хүч хэрэглэн зэвсэг, зэвсгийн чанартай зүйл ашиглан айлган бүрдүүлж, өөрийн нэр дээрээ шилжүүлэн авч, бусдын эд хөрөнгийг заналхийлжээ. Ингэх үеэрээ тухайн иргэнийг зодож, биед нь гэмтэл учруулж, бэлгийн дур хүслээ ёс бусаар хангасан байдаг.

Хэргийг шалгах явцад Ука хочит Л.Алтанхуягийн гэр болон тэвэрийн хэрэгслээс дөрвөн ширхэг хутга, хийн гар буу болон ангийн зориулалттай сум, амьсгал боогдуулагч зэргийг хураан авсан байна. Тэрбээр 2009-2021 оны хооронд гурван зүйл ангиар гэмт хэрэг үйлдэж, ял эдэлж байжээ. Тодруулбал, Эрүүгийн хэргийн тусгай ангийн

• 147.2 - Бусдын хөрөнгийг дээрэмдэх
• 17.2.3.2 - Бусдын эд хөрөнгийг авахаар зэвсэг, тусгайлан бэлтгэсэн зэвсгийн чанартай зүйл хэрэглэж, дээрэмдэх
• 20.4.1 - Галт зэвсэг, галт хэрэгсэл, тэсэрч дэлбэрэх бодис хэрэглэж, дээрэмдэх зэрэг зүйл ангиар ял эдэлж байсан аж.

-Түүний хамаарал бүхий этгээдүүдийн үйлдсэн хэргүүд-

Л.Алтанхуяг нь дээрх хэргийг хамаарал бүхий 14 этгээдтэйгээ үйлдсэн гэх бөгөөд тухайн иргэдийн үйлдсэн хэрэг энэ хүрээд дуусаагүй байна. Тодруулбал, он гарснаас хойш хэд хэдэн хэргийг бүлэглэн үйлджээ.

1. Нүүрс тээврийн компанийн ажилчдыг зэвсэг ашиглан заналхийлжээ

Сүхбаатар аймгийн Эрдэнэцагаан сумын нутаг дэвсгэрт байрлах "Ардын илч" ХХК-ийн эзэмшлийн гаалийн хяналтын талбайд нүүрс тээврийн үйл ажиллагаа явуулдаг "Майробалан" ХХК-ийн ажилчид, жолооч нар руу хоёрдугаар сарын 12-14-ний өдрүүдэд 20 гаруй гэмт этгээдүүд дайрч довтолж заналхийлжээ. Энэ талаарх дуудлагыг нэг сарын дараа буюу гуравдугаар сарын 24-ний өдөр цагдаагийн байгууллагад бүртгэсэн байна.

Ука хочит Л.Алтанхуяг нь өмнө ял эдэлж байсан нэр бүхий 17 иргэдийн хамт "Ардын илч" ХХК-ийн өмнөх захирал О.Энхбаяр болон "Шонхор тас" ХХК-ийн ажилчидтай маргаан үүсгэжээ. Энэ үеэр уурхайн талбайд байгаа техник, тоног төхөөрөмжийг өмнөх захиралд нь олгуулахгүй байх зорилготойгоор зэвсэг ашиглаж, айлган сүрдүүлсэн нь энэ юм.

2. Зэвсэг ашиглан тээврийн хэрэгсэл хулгайлжээ

Урьд өмнө нь удаа дараа ял шийтгэл эдэлж байсан эрүүгийн нөлөө бүхий этгээд болох Учка хочит Н.Мөнх-Учрал, хуруугүй хочит Х.Оюунболд, Гураа хочит З.Гурвансайхан, Зана хочит Занабазар нар нь бүлэглэн Улаанбаатар хотын нутаг дэвсгэрт нэр бүхий иргэний тээврийн хэрэгслийг зэвсэг, зэвсгийн чанартай зүйл ашиглан, айлган сүрдүүлж, хүч хэрэглэн, хүч хэрэглэхээр заналхийлж, хохирогчийн “Lexus 570” маркийн тээврийн хэрэгслийг хууль бусаар авжээ.

Уг гэмт үйлдэлд Эрүүгийн хуулийн 17.6 дугаар зүйлийн 1 дэх /Бусдын эд хөрөнгийг авахаар заналхийлэх/ хэсэгт зааснаар эрүүгийн хэрэг үүсгэж, яллагдагчаар татан мөрдөн шалгах ажиллагаа явуулж байна.

Шалгалтаар тухайн этгээдүүдийн гэр болон тээврийн хэрэгслээс гэмт хэрэг үйлдэхдээ ашигласан байж болзошгүй 20см урттай хийн гар буу, хутга зэргийг хураан авчээ.

Учка хочит Мөнх-Учрал нь 2002-2022 онуудад Эрүүгийн хэргийн

• 123.3 /Хулгайлах/
• 126.1 /Хүчиндэх/
• 147.2, 148.1 /Залилан мэхлэх/
• 149.1 /Бусдын эд хөрөнгийг авахаар далайлган сүрдүүлэх/
• 181.2 /Танхайрах/
• 261.1 /Оргон зайлах/
• 98.1 /Хүнд гэмтэл учруулах/
• 20.16 /Олон нийтийн амгалан тайван байдлыг алдагдуулах/
• 2.1, 20.7 /Мансууруулах эм, сэтгэцэд нөлөөт бодисыг хууль бусаар ашиглах/, зэрэг ялаар шийтгэгдэж байсан юм.

Мансууруулах эм, сэтгэцэд нөлөөт бодис хууль бусаар олж авах, тээвэрлэх, хадгалах үндэслэлээр удаа дараа цагдаагийн байгууллагад шалгагдаж, ял эдэлж байсан бөгөөд тогтмол биедээ зэвсэг, зэвсгийн чанартай эд зүйл авч явдаг этгээд юм.

А.ДАВАА

Энэ мэдээнд өгөх таны үнэлгээ

Хуваалцаарай Жиргээрэй