Шинэчилсэн үнэлгээ: "13 аймгийн 58 суманд төмөр зуд нүүрлэсэн"

Цаг уур, орчны шинжилгээний газрын дарга Л.Оюунжаргал зудын үнэлгээг 2024 оны хоёрдугаар сарын 20-ны байдлаар гаргасныг танилцуулав.

"Хоёрдугаар сарын 20-ны байдлаар ихэнх нутгаар цасны зузаан нэмэгдэж, 1-51 см болсон байна. Бусад нутгаар 1-9см, хунгарласан, шуурсан газартаа 80-100см цасан бүрхүүлтэй болсон.

Хоёрдугаар сарын 20-ны байдлаар:

• 13 аймгийн 58 суманд мөсөн буюу төмөр зудын,
• 17 аймгийн 139 суманд цагаан зудын,
• 18 аймгийн 69 сум, нийслэлийн хоёр дүүрэг цагаанаар зудархуу нөхцөл байдалд оржээ.

Өнөөдрийн байдлаар цас орж байгаа газар нутаг байхгүй, ихэнх нутгаар хүйтний эрч сулавтар байна. Маргааш буюу 24-нд ихэнх нутгаар хур тунадас багатай, нутгийн зүүн хэсэгт хүйтний эрч өнөөдрийнхөөс бага зэрэг чангарна.

• 25-нд баруун аймгуудын нутгийн зарим газраар
• 26-нд төв, зүүн аймгуудын нутгийн хойд хэсгээр
• 27-нд зүүн аймгуудын ихэнх нутгаар, говийн аймгуудын зүүн хэсгээр цас орж, цасан шуурга шуурна.
• 29-нд баруун аймгуудын нутгийн хойд хэсгээр цас орно" гэлээ.

Хоёрдугаар сарыг дуустал их хүйтрэхгүй ч цас орны дараа болон өмнө бага зэрэг хүйтэрнэ" гэлээ.

Энэ мэдээнд өгөх таны үнэлгээ

Хуваалцаарай Жиргээрэй