"Авъяаслаг монголчууд"-ын алтан базерийн эзэн Г.Атарбат нас барж, хандивын аянг зогсоолоо

"Авъяаслаг монголчууд 2016" шоуны хөтлөгчдийн алтан базерийн эзэн гитарчин залуу Г.Атарбат ахуйн ослын улмаас 90 хувийн түлэгдэлтэй, Түлэнхийн төвийн сэхээн амьдруулах тасагт эмчлүүлж байсан.

Болсон явдлыг тодруулбал, өнгөрсөн долоо Орхон аймагт ахуйн газ дэлбэрсний улмаас үүссэн гал түймэрт өртөж, бүх биеийнх нь 90 хувь түлэгдэж, Түлэнхийн төвийн сэхээн амьдруулах тасагт эмчлүүлж байсан. Эмч нар цаг алдахгүй гадаад руу авч явж эмчлүүлэх шаардлагатай гээд гэр бүл, найз нөхөд нь хандив цуглуулж эхэлсэн ч, тэрээр шархаа даалгүй нас баржээ.

Г.Атарбаттай Авъяаслаг монголчууд шоунд хамт оролцож байсан найз О.Батнасан "Хандивын аянаа энэ хүрээд зогсоолоо. Эвий минь анд минь ухаан ч орж амжилгүй, юу болоод байгааг ч ойлгож амжилгүй 26-хан гал залуу насан дээрээ явчихлаа. Амгалан оршоорой" гэж мэдээллээ.

Б.ХАШ-ИЛД

Энэ мэдээнд өгөх таны үнэлгээ

Хуваалцаарай Жиргээрэй