Эрүүл мэндийн салбарт шинэчлэл, ахиц, дэвшил авчирах, эрүүл мэндийн чанартай үйлчилгээг бүгдийг тэгш хамруулж, хүртээмжтэй үйлчлэх зорилготой Дөрөвдүгээр эмнэлэг нь Монголын лах санамж бичиг зурснаар манай дотоодын байгууллагуудтай хамтран ажиллах үйл ажиллагаагаа эхлүүлж байна.
Дөрөвдүгээр эмнэлгийн үндсэн уриа нь Бүгдэд үйлчилнэ. Энэ зорилгод яв цав нийцсэн үйл явдал өнөөдөр ийнхүү эхлэлээ тавьсан нь аль аль талын хувьд ач холбогдолтой юм.
Монголын Тусгай Олимпын хороо нь оюуны хөгжлийн бэрхшээлтэй, тусгай хөгжилтэй иргэд, хүүхдүүдэд нийгмийн, тэр дундаа эрүүл мэндийн үйлчилгээ тэгш, хүртээмжтэй хүрч чаддаггүйгээс гадна эдгээр иргэдийг хүлээж авах нийгмийн хандлагыг спортоор дамжуулан зөвөөр, эерэгээр ойлгуулах, дэмжих үйл ажиллагааг явуулдаг.
Эрүүл мэндийн салбарт цоо шинэ өнгө төрхтэйгээ гарч ирж байгаа Дөрөвдүгээр эмнэлэгтэй хамтран ажиллах ажиллагаагаа эхлүүлж байгаа нь маш олзуурхууштай, бодит ажил хэрэг хэрэгжүүлж чадах түншлэл болж чадна гэдэг итгэл төрлөө гэдгээ Монголын тусгай олимпын хороо НҮТББ-ын гүйцэтгэх захирал Б. Алтанцэцэг хэлэв.
Зөвхөн эрүүл мэндийн үйлчилгээ биш маш өргөн хүрээнд хамтран ажиллах, бодит үр дүнг үзүүлж чадах хамтын ажиллагаа өнөөдөр ийнхүү эхэллээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.