Шадар сайд С.Амарсайханы удирдлага дор үндэсний их баяр наадмыг зохион байгуулах хороо хуралджээ.
Хуралд зохион байгуулах хорооны гишүүд, салбар хороодын дарга, Нарийн бичгийн дарга нар оролцож, холбогдох асуудлуудаар мэдээлэл хийн, саналаа нэгтгэсэн байна.
Баяр наадмын комиссын өнөөдрийн хуралдаанаар бэлтгэл ажлыг хангах асуудлаар Үндэсний бөхийн салбар хороо 50 хувь, хурдан морины салбар хороо 45 хувь, сурын салбар хороо 50 хувь, урлаг, соёлын арга хэмжээний салбар хороо 50 хувь, тохижилт, засвар, худалдаа, үйлчилгээний салбар хороо 50 хувь, хэв журмын салбар хороо 87 хувь, төрийн ёслолын үйлчилгээний салбар хороо 50 хувь, шагайн харвайн салбар хороо 30 хувь, хэвлэл мэдээллийн салбар хороод ажлаа тайлагнасан аж.
Наадмаар үйл ажиллагаа явуулах худалдаа үйлчилгээний зохион байгуулалт, нийтийн хоолны чанар стандарт эрүүл, аюулгүй байдалд хяналт тавихад онцгой анхаарч ажиллах, үндэсний их баяр наадмын нээлт, хаалт, хүндэтгэлийн тоглолтын хяналтын хийх хугацааг тодорхой болгон зохион байгуулах, баяр наадмын хөтөлбөрийг зургаадугаар сарын 25-ны өдөр гэхэд бэлэн болгохыг Шадар сайд С.Амарсайхан салбар хороодын дарга нарт үүрэг чиглэл өгсөн аж.
Ирэх долоо хоногт Төв цэнгэлдэх хүрээлэн, Хүй долоон худаг зэрэг наадам зохион байгуулагдах газруудаар явж бэлтгэл ажилтай танилцаж, тулгамдсан асуудал байвал газар дээр нь шийдвэрлэнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.