Гадаад мэдээДЭЛХИЙТехнологи

Парис олимпод зориулж агаарын цахилгаан такси бүтээж байна

Парис ирэх жил зохион байгуулах олимпод зориулж агаарын цахилгаан таксиг бүтээж байгаа ажээ. Ингэснээр дэлхийн анхны цахилгаан агаарын таксины сүлжээг бий болгож байгаа юм.

Одоогоор туршилтууд нь амжилттай үргэлжилж байгаа бөгөөд төслөө VoloCity агаарын такси хэмээн нэрлээд буй. Уг таксиг нэг зорчигч, нэг нисгэгчтэйгээр хоёр чиглэлд нисгэсэн байна.

Volocopter

Тодруулбал, Шарль де Голль нисэх онгоцны буудлаас Ле Бурже, Аустерлиц Парисын шинэ буух тайлбай руу богино нислэг хийж байгаа хэмээн "The Guardian"-д мэдээлжээ.Мөн Парисаас Санс-Сир хүртэл зорчиж байгаа аж.

Зохион бүтээгчдийн зүгээс олон нийт уг техникийг хэрхэн хүлээн авахаас агаарын таксины ирээдүй шийдэгдэнэ хэмээв. Мөн олимп бол ердөө л эхлэл хэмээн тэд тодотгож буй.

Одоогоор мэргэжилтнүүдийн баг асуудал гарсан тохиолдолд нэмэлт буух талбай хэрэгтэй эсэх, таксинууд доош нисэхдээ нисдэг тэрэгний салхи шуурга сөрөг нөлөө үзүүлэх эсэхийг судалж байгаа ажээ. Мөн e-VTOL таксиг эмнэлгүүдэд эмнэлгийн зориулалтаар ашиглах боломжтой эсэхийг судалж байгаа талаараа олон нийтэд мэдээллээ.

Н.АННА

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button