Зүүн Азийн залуучуудын наадам: Монголын баг Тайваньд 4:0 харьцаатай хожигдлоо
"Улаанбаатар-2023" Зүүн Азийн залуучуудын наадам энэ сарын 16-ны өдрөөс эхэлсэн билээ. Тэгвэл хөлбөмбөгийн төрөл өнөөдөр Монголын хөлбөмбөгийн холбооны ногоон талбайд эхэлсэн юм.
Эрэгтэйчүүдийн тэмцээнийг Макаогийн эсрэг Хонконгийн баг тоглож, нээлээ. Улмаар Хонконгийн баг 3:0 харьцаатайгаар Макаогийн багийг буулган авсан юм.
Үүний дараагаар 17.00 цагт Монголын шигшээ баг Тайваний багтай учраа таарлаа. Тоглолтын эхний үед эн тэнцүү өрсөлдсөн бөгөөд 0:1 харьцаатайгаар өндөрлөсөн билээ. Тодруулбал, эхний үеийн 40 дэх минутад Тайваний довтлогч манай хамгаалалтын алдааг ашиглан гоол оруулсан юм.
Тэгвэл Тайваний шигшээ баг тэмцээний хоёр дахь үед илүүрхэж, гурван гоол оруулсан юм. Ингэснээр манай улсын шигшээ баг Тайваний багт 4:0 харьцаатай хожигдлоо.
Тоглолтын хүснэгтээр манай улс сүүл мушгиж байна.
Дараагийн тоглолтыг хуваарийг доор хүргэе.
Тоглолт хоёр хоногийн дараа буюу наймдугаар сарын 20-нд болно.
- 12.30 цагт Макаогийн эсрэг Тайвань
- 17.30 цагт Монголын эсрэг Хонконгийн баг тоглох юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0:4 л гэдэг юм даа