Хөвсгөл аймгийн Улаан-Уул сумын ЕБС гал түлж, үйл ажиллагаагаа явуулдаг. Тайгын жавар тачигнасан эл сумын сургуульд хоёр ээлжээр 300 гаруй хүүхэд сурдаг.
Шинэ барилгатай болох ажил 11 жилийн өмнө эхэлсэн ч өнөөдрийг хүртэл дуусаагүй, хүүхдүүд стандартын шаардлага хангахгүй, сургалтын өрөөнүүдийг ил зуухаар галлаж халаадаг, ширээ, сандал, самбар хуучирч муудаж, эвдэрсэн орчинд сурч боловсорч байна.
-Улаан-Уул сумын сургуулийн дуусаагүй барилгыг хүлээж аваад, мөнгийг нь олгочихсон-
320 хүүхдийн сургуулийн барилгын ажлыг "Есүй орд" ХХК барихаар арваад жилийн өмнө эхэлсэн бөгөөд Монгол улсын түүхэнд хамгийн удаан баригдсан ч дуусаагүй барилга. Хөвсгөл аймгийн барилга, хот байгуулалтын газар, улсын комисст багтдаг эрх бүхий, нэр бүхий хүмүүс хуйвалдаж, гарын үсэг зурж улсын комисст хүлээж аваад, тус компанид 100 хувь мөнгийг нь олгочихсон. Энэ бол цэвэр албан тушаал, авилга, ашиг сонирхлын гэмт хэрэг мөн гэж Боловсрол шинжлэх ухааны сайд онцлов.
Уг барилгын талаар хуулийн байгууллагын дүгнэлт гаргаж, тус компанийн эрхийг цуцалж, хар жагсаалтад оруулна гэдгээ сайд Л.Энх-Амгалан мэдэгдэхийн зэрэгцээ ажлыг өөр компанид шилжүүлж, богино хугацаанд 100 хувь гүйцэтгэж ашиглалтад оруулна гэдгээ амлав.
-Бид нарын үзэг царцдаггүй, гар бээрдэг-
Харин ХЭҮК тус сургууль дээр ажиллаж, бодит байдлыг эрх бүхий байгууллагаас тодруулга, мэдээлэл авч холбогдох асуудлыг шийдвэрлүүлэхээр эрх бүхий байгууллагад уламжлах зэргээр хүүхдийн дээд эрхийг хамгаалахын төлөө ажиллах болно гэлээ.
Бид тухайн сургуульд сурдаг сурагчтай холбогдож нөхцөл байдлыг тодруулан асуухад "Нийгмийн сүлжээгээр манай сургуулийг үзэг нь царцаад хичээлээ хийж чаддаггүй гэж бичсэн байсан. Үзэг биш гар бээрээд бичихэд хэцүү байдаг. Уг нь нэг галч байдаг. Ганцаараа болохоор ажлаа дийлдэггүй болоод хүүхдүүдийг ирэхэд бүрэн галлаж халааж чаддаггүй байх. Зарим ангийн ширээ, сандал муудсан нь үнэн. Зарим нь бол гайгүй. Өвөл галладаг үеэр л даардаг болохоос бусад үед манай сургууль гоё. Удахгүй шинэ сургуультай болно гэсээр байгаад сургуулиа төгсөх боллоо. Дүү нар маань гоё сургуульд суралцах байх аа" гэлээ.
Б.ХАШ-ИЛД
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Яагаад бээлийгээ өмсөж бичдэггүй вэ ? Хүйтэнд бээрсэн гартай суултай биш. Хувцас бээлийгээ өмсөх хэрэгтэй. 2. хуучин ккомпаниа �##�бан туша�##�тнуудтай хамт шүүхэд өгөөч. БШУЯ нь . Ганц хар жагса�##�танд оруулах ханг�##�тгүй. Үнэхээр мөнгө аваад ажлаа хийж өгөөгүй бол уг компаниас хохирлоо нэхэмжилж аваач. МАН гараад 8 жил болсон байж Энх-Амг�##�ан одоо дүр эсгэж гэнэ. Намар болохоор бүх хүүхэд сургуультай гэж байнга худ�##� ярьдаг. Гэтэл сур�##�цах орчныг нь хар.
300 хүүхэд сурдаг бол 850 хүүхйдин сургууль барих хэрэггүй. Хүн амын өсөлтөө тооцоод барилгын ашигл�##�таа тооцоод жоохон нэмэгдүүлэхэд болно. 850 ихдэж байна.
Бид г�##�лагаатай байранд, дүрдэг үзэгтэй хичээлээ хийдэг байж дээ. Бэх царцаад завсарлагаанаар бөөрөнхий, босоо, төмөр пийшингээ тойруулж бэхээ гэсгээд л хийчээлдээ орно. тухайн үедээ болоод л байсан юм. 21 -р зуунд ч арай ингэж болохгүй байх аа. Ийм гэрийн зуух яаж х�##�аах вэ.. Шинэ сургуультай болтлоо ядахдаа зуухаа солиоч дээ.
Sumiin zasag darga yu xiij bainaa Naad surguuliin xuuxduuddee anxaaral xalamjindaa avaad ajlaa xii l dee