Арматур худалддаг 16 аж ахуйн нэгж, байгууллагын импортын болон дотоодын арматурт лаборатори, газар дээрх жин тоннын шалгалтыг хийжээ.
Ингэхэд импортын арматурын арматур мөр хоорондын зай, стандарт хангаагүй тохиолдол түгээмэл илэрсэн төдийгүй стандартад заасан тн жингийн хүлцэх алдааг хангаж байгаа ч 1 багцаас 100 хүртэл кг, 1 тн тутмаас 40 орчим кг дутуу байгааг анхаарч ажиллах талаар импортлогч ААНБ-уудад мэдэгдэл хүргүүлсэн байна.
Харин монгол арматурын хувьд нэр бүхий компанийн D14, D18, D20 голчтой SD390 ангийн нийт 238,7 тн арматур стандартын шаардлага хангаагүйг нь “Барилгын хөгжлийн төв”-ийн сорилт шинжилгээний лаборатори, ШУТИС-ийн металлын сорилт шинжилгээний лабораторийн дүгнэлтээр нотолжээ.
Түүнчлэн арматурын дотоод, гадаад хөндлөн огтлол, чихний өргөн, чихний өндөр, 1м урттай ган туйвангийн онолын жиндээ хүрэхгүй байх зөрчлүүд илэрчээ.
Иймээс зөрчил илэрсэн компаниудын үйл ажиллагааг түр зогсоож, холбогдох арга хэмжээ авч, зарим тохиолдолд зөрчлийн хэрэг үүсгэн шалгуулж байна.
Б.БАЯРТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Дээрээ хулгайч засагтай болохоор доороо хулгайч компани байх нь зөв байхаа ккк