8 саяар оруулж ирж буй хавдрын дархлаа эмчилгээг эхний 40 хүнд ХСҮТ-ийн санхүүжилтээр хийнэ
Хорт хавдрын системийн эмчилгээний сүүлийн үеийн шинэ технологи болох дархлаа эмчилгээг Монголд нэвтрүүлэхээр болж, ЭМЯ, Хавдар судлалын үндэсний төв, F.Hoffmann-La Roche компани харилцан ойлголцлын санамж бичиг байгууллаа.
Онцлоход, Швейцарийн PACE буюу бүх эмийг нэг өвчтөнд нэг үнээр гэх хөтөлбөрт хамрагдснаар 20-32 сая төгрөгийн өртөг бүхий эмчилгээг манай улсад 1000 орчим ам.доллараар нийлүүлэхээр болжээ.
ХСҮТ-ийн захирал Н.Эрдэнэхүү “Энэ их өндөр өртөгтэй эмчилгээ тул зах зээлийн үнээр эрүүл мэндийн даатгалд оруулах боломжгүй байлаа. Тиймээс тодорхой хугацаанд хэлцэл хийж, PACE хөтөлбөрт хамрагдахаар болсон. Тодруулбал, нэг хүн найман сая төгрөгөөр дархлаа эмчилгээнд хамрагдах боломжтойг тодорхойлсон.
Одоогоор манай улсад хавдрын эсрэг бай эмчилгээнд таван сая төгрөгөөр хамрагддаг. Гэхдээ бай эмчилгээ дангаараа үр дүнд хүрдэггүй. Бай болон дархлаа эмчилгээтэй хавсран хийх зардал нь найман сая төгрөг болж байгаа юм.
Өмнө хожуу оношлогдсон элэгний хавдарт эмчилгээ байгаагүй. Найдваргүй гэж нэрлэж, нэг жил амьдрах боломжтой байсан. Харин дархлаа эмчилгээг хийлгэсэн иргэдийн 30 орчим хувь нь таван жил амьдарч байгааг боломж гэж харж байгаа. Уг төсөл гурван жил үргэлжилнэ. Эхний дөчин хүнд ХСҮТ-ийн санхүүжилтээр хийнэ. Иргэддээ аюулгүй хүргэж байна гэдэг үр дүнгээ батлуулсны дараа илүү өргөн хүрээнд хүргэх боломж нээгдэнэ. Тэр үед иргэд даатгалаар дархлаа эмчилгээгээ хийлгэх боломж Эрүүл мэндийн санд шинээр орж ирж буй "Дархлаа эмчилгээний багц"-ын хүрээнд бий болно. Тиймээс дархлаа эмчилгээг өргөжүүлэхээс гадна эсийн эмчилгээнүүдийг нэвтрүүлэх бодолтой байна” гэв.
Б.ХАШ-ИЛД
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ашгүйдээ. Зовж шаналсан хүмүүс минь бүгд эдгэрэх болтугай.
Элэгний хавдартай элэг солиулах заалттай хүн бн
Элэгний хавдар.цироз,элэг солиулах заалттай хүн.
Аштай юу даа эмч нартаа баярлалаа амь нас хутганы ирэн дээр байхад ийм мэдээ дуулгасанд маш их баярлалаа 40 хүнд хамрагдчих юмсан даа
Ходоод, улаан хоолойн хорт хавдар 4-р үетэй эмчлүүлэгч байна.Энэ эмчилгээ үнэхээр таалагдаж байна
Элэгний Д вирусийн эм тариаг хөөцөлдөж байгаа хүмүүсийн ажлыг дэмжээчээ! Сард 8 сая төгрөгөөр хэн ч чадахгүй шүү. Элэг бүтэн Монгол хөтөлбөрт хамруулж үнийг маш сайн хямдруулах хэрэгтэй! Битгий дангаараа амиа бодож мундаг хүн болох гэж хүний урдуур орж ажлын садаа болоод байгаач ээ.Чинбүрэн Эрдэнэхүү 2 оо!
Elegni xort xawdartai svvliin shatandaa bga emchilegdex bolomjgvi gsn xariu sonsson eej mani bgaan
үөвхэн элэгний хавдартай хүнд л хийгдэх юмуу
Эхний 40 хүн гэж ялгахгүй байх нь зөв. Тэгш бус байдал үүсгэж бн. Эсрүл дарга ангийн ойрын хүмүүсийг сонгосон байх.. Хөнгөлөлттэй хийдэг тогтолцоогоо нэгмөр шийдээч ээ.
Нэгэнт үүссэн асуудал дээр мөнгө олох үйлчилгээ. Харин ийм асуудалд хүргэхгүй байх тал дээр одоогийн хуулиар хамгаалагдсан эрүүл мэндмйн салбар А-ч байхгүй юм даа.
Цусны буюу ALL онштой хүнд энэ эмчилгээг хийж болох уу. 40 хүнээ яаж сонгож байгаа бэ
Энд яаж хамрагдах вэ
Эхний 40 хүн гээд зарлахаар чинь жирийн иргэд хамрагдахгүй танил тал, хахууль өгсөн хүмүүс нь хамрагдах байх заавал ингэж ялгаварлан хандах нь хүний эрхийг зөрчиж ёс зүйгүй хандлага санагдаж байна, бай эмчилгээ лангаар хийлгэж байгаа хүмүүсээ эхлээд хамруулмаар юм
Эмчилгээгүй гэсэн оноштой хүнийг эмчилж чадах болов уу?
Ядаж жилийн өмнө оруулаад ирэхгүй дээ. Хайран хань минь????????
амжилт хүсьеэ баярлалаа та бүхэнд
Гол нь эхний 40 хүн гээд бх юм ямар журамаар 50 хүн сонгож бгаа юм шалгуур өвчиний үе шат ямар оноштой хэдээс хэдэн насны хүмүүс гээд та нараа тодорхой хэлмээр бгаан
Ковидын эмчилгээнээс хямд юм биш ү. Тэр үед ард түмнээ аврах гээд улсын төсвөөс гаргаа биз дэ. Эсвэл хатан ижийгээр төлүүлээд ард түмнээ эмчил
Эрүүл мэндийн даатгал бүх хүнд үйлчлэх ёстой