"Титэм халзан" буюу "Шоу халзан" азарга тэнгэрийн хүлэг болжээ

АПУ компанийн захирал П.Батсайханы "Титэм халзан" буюу "Шоу халзан" гэж олонд танигдсан хурдан халзан азарга энэ жилийн Улсын их баяр наадамд уралдаж ирснийхээ дараагаар тэнгэрийн хүлэг болжээ.

"Шоу халзан" буюу Пүрэвийн Батсайханы титэм халзангийн эхийн удам

2019 онд Төрийн их баяр наадмын “Шүдлэн” насны морьдын уралдаанд түрүүлж явсан “Зээрд халзан” үрээ барианы зурхайд хүрч амжилгүй хадууран, нүхэнд бүдэрч хүүхэд, морь хоёул унаж, улмаар гуравт уралдсан тохиолдол гарч байсан билээ. Энэ цагаас хойш тус морийг “Шоу халзан” хэмээн нэрлэх болсон юм. Тэгвэл 2019 оны наадмын дараа тус үрээг АПУ компанийн захирал, Өвөрхангай аймгийн Хужирт сумын уугуул П.Батсайхан худалдан авсан бөгөөд 2022 оны Улсын баяр наадмын азарганы уралдаанд түрүү магнай, "Их Хурд-9" уралдааны түрүүлж байсан юм. 

Халзан гүү Дорноговь аймгийн Дэлгэрэх сумын ААУ Шаравын Энхтүвшингийн унаган адуу. Дээд удмыг нь сөхвөл Дэлгэрэхийн Наваан-Осор гуайн хурдан хээр азарганы төл хээр гүүг Шаравын Энхтүвшин уяач хурдан хүрэн (Түдэвийн будангийн төлийн төл) азаргандаа хураалгаж охин зээрд халзан унага гарсаныг хадам ах Дүнхийн Түмэндэмбэрэлийн унаган хонгор алаг (бага дөрвөн насандаа аймаг, суманд олон түрүүлж айрагдсан. Сувдан зээрдтэй хурд хуваадаг адуу байлаа.

Равжаагийн ойд соёолон үрээ нас ахиж уралдаад түрүүлж байсан) азаргандаа хураалгаж Шоу халзангийн эх халзан гүү гаржээ. Халзан гүүний төл Шоу халзан үрээ даагандаа Булганы 80 жилд зургаалж, шүдлэндээ төрийн наадамд дуулиантайхан айрагдаад Ламын гэгээний даншигт түрүүлсэн. Энэ жил азарган соёолон зүүн бүсэд түрүүлсэн бол эх нэгтэй төрсөн дүү нь болох Хөвсгөл аймгийн Галт сумын уяач Бүдийн Отгонсэлэнгийн зээрд халзан даага мөн зүүн бүсэд айрагдсан билээ.

М.АГАР

Энэ мэдээнд өгөх таны үнэлгээ

Хуваалцаарай Жиргээрэй