Өнөөдөр Сэлэнгэ аймагт тав, Улаанбаатарт хоёр иргэнээс коронавирус нэмж илэрснээр улсын хэмжээнд батлагдсан тохиолдлын тоо 791 болоод буй. Одоогоор коронавирусийн халдвар бүртгэгдээгүй байгаа аймгуудын нь Завхан. Тэгвэл Улаанбаатараас тус аймгийн Нөмрөг сумд очин, идэш хийчихээд ирсэн иргэний түргэвчилсэн оношлуурын шинжилгээний хариу сул эерэг гарчээ.
Баянгол дүүргийн иргэн, 47 настай С нь 2020 оны арваннэгдүгээр сарын 23-нд шинжилгээ өгөхөд хариу нь эерэг гарсан байна. Улмаар Нөмрөг сумд очин, буцаж ирээд “22-ын товчоо”-нд шинжилгээ өгөхөд хариу нь сул эерэг гарчээ.
Гэхдээ энэ нь коронавирус туссан, халдвар авсан гэсэн үг биш. PCR шинжилгээний хариу гарсных нь дараа коронавирус туссан эсэх нь тодорхой болно.
Г.ЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.