Г.Занданшатар: Нүүрсний хулгайн асуудлаар нээлттэй сонсгол хийхийг захирамжиллаа

Төв талбай дахь иргэдийн жагсаал хурцадмал байдалд шилжлээ. Иргэдийн нийтлэг тавьж буй шаардлагын дотор нүүрсний хулгайд холбогдох этгээдүүдийн нэрийг ил зарлах, хариуцлага тооцох багтаж байгаа юм.

Тэгвэл УИХ-ын дарга Г.Занданшатар дөнгөж сая эл асуудлаар нээлттэй сонсгол зохион байгуулах захирамж гаргалаа.

Тэрбээр "Нүүрсний асуудлаар ерөнхий хяналтын сонсголыг яаралтай зохион байгуулах хэрэгтэй байна. Ард иргэдийн оролцоо, дэмжлэгтэйгээр энэ асуудлыг мухарлах нь зүйтэй. Холбогдох хуулиудад заасны дагуу, УИХ-ын гишүүд нь ард түмний элч төлөөлөгч болохын үүднээс нийтийн эрх ашигт нийцсэн энэ асуудлыг хянан шалгая.

Төр, ард түмний баялгаас хэнбугай ч хуулийн хатуу цээрлэлт хүртэх ёстой.

Нүүрсний хулгайтай холбоотой асуудлаар нээлттэй сонсгол зохион байгуулах захирамжийг энэ хүрээнд гаргаж байна. Энэ асуудлаар УИХ-ын ажлын хэсэг байгууллаа.

Ажлын хэсэгт:

• УИХ-ын гишүүн Г.Ганболд
• УИХ-ын гишүүн Ж.Бат-Эрдэнэ
• УИХ-ын гишүүн Т.Энхтүвшин
• УИХ-ын гишүүн С.Одонтуяа
• УИХ-ын гишүүн П.Цэрэнпунцаг
• УИХ-ын гишүүн Т.Доржханд
• УИХ-ын гишүүн Б.Бейсен
• УИХ-ын гишүүн Г.Тэмүүлэн нар багтана.

Ард түмнийхээ талд байж, энэ асуудлыг хатуу цэгцлэх  хэрэгтэй. Залуус мэдээллийг нээлттэй ил тод байлгах шаардлага таж байгааг дэмжих ёстой" гэлээ.

Г.САНСАРМАА

Энэ мэдээнд өгөх таны үнэлгээ

Хуваалцаарай Жиргээрэй