Монгол Улсад 2013 оноос хойш хууль бусаар орогнож, эрэн сурвалжлагдаж байсан БНХАУ-ын иргэн Zhou Jianыг Гадаадын иргэн, харьяатын газраас илрүүлж, албадан гаргажээ.
Тэрбээр 2010 онд БНХАУ-д онц хүнд гэмт хэрэгт холбогдон эрэн сурвалжлагдсан байсан бөгөөд 2013 онд бусдын баримт бичгийг ашиглан Монгол Улсад хууль бусаар нэвтэрч, өнөөдрийг хүртэлх хугацаанд оргон зугтаж, орогнож байсныг хяналт шалгалтыг ажиллагааг тасралтгүй явуулсны үр дүнд ийнхүү илрүүлсэн байна.
БНХАУ-ын иргэн Zhou Jian нь хууль бусаар орогнож байх хугацаандаа Монгол Улсад ажиллаж, амьдарч байсан гадаадын иргэдийг удаа дараа залилан мэхэлж, их хэмжээний хохирол учруулсан нь хяналт шалгалтаар тогтоогджээ.
Түүнд хуулийн дагуу торгох шийтгэл ногдуулан Монгол Улсад дахин оруулахгүй байх хугацаа тогтоон албадан гаргаж, харьяалах улсынх нь хууль, хяналтын байгууллагад шилжүүлсэн байна.
Б.ХАШ-ИЛД
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Одоо эргэж ирнэ гэж байхгүй хилэн хар тоорцогтой луухааны толгой тас. Манайхан олж чадсан нь овоо доо.
Аргагүй дээ. Монгол улс гэж ямар ч хараа хяналтгүй орон шүү дээ. Манайх гэхэд л хөдөө орон нутгаас шилжин ирээд нэгэн аймгийн төвд 4 жил болж байхад сум багаас нэг ч хүн энэ ямар айл ирээд буув гэж эрхтэн дархтаны нэг нь ч орж ирсэнгүй. Ийм байдлаар бол гадны ямарч иргэн хууль бусаар орж ирсэн байсныг олохгүй шүү дээ.
13 жил орогнож байгаа оргодлыг л мэдэхгүй байсан байна. Ямар улс вэ гэдгээ батлан харуулж байна
11 жил Монголд орогнож байгааг мэдэхгүй хууль хүчин, цагдаа нар мэдээлэл эрэл хайгуул тааруу байсны илрэл байжээ. Хойшид анхааралтай хариуцлагатай ажиллах нь нэн тэргүүнд тавигдана !!!!!
Гадаад иргэдийн бичиг баримтыг шалгаж хяналт шалгалт хийдэггүй нь энэ л дэ. Гудамжаар яваа гадныхны бичиг баримтыг явж байхад нь шалгадаг болов уу.