Үндэсний статистикийн хорооноос нийгэм эдийн засгийн долдугаар сарын статистик мэдээг танилцууллаа. Энэ үеэр өрхийн нийгэм эдийн засгийн судалгааны үр дүнг танилцуулав.
Нийт ажилчдын тоо хоёрдугаар улирлын байдлаар 1.1 сая буюу өмнөх оны мөн үеэс 80 мянгаар буурчээ. Харин өмнөх улирлаас нийт ажилчдын тоо харьцангуй сэргэж 51 мянгаар өссөн үзүүлэлттэй байна. Барилгын салбарын ажилчдын тоо 25 мянгаар нэмэгдсэн нь өмнөх улирлаас ажилчдын тоо нэмэгдэхэд гол нөлөө үзүүлсэн. Үүний дараа худалдаа үйлчилгээний салбар ажилчдын тоо 13 мянган хүнээр нэмэгдсэн аж.
Үүнтэй холбоотойгоор нэгдүгээр улиралд ажилгүйдлийн түвшин 8.8 хувьтай байсан бол хоёрдугаар улирлын байдлаар 8.4 хувьтай болж буурсан. Энэ нь өмнөх улирлуудтай харьцуулахад хоёрдугаар улиралд харьцангуй хөл хорионы дэглэм бага байсантай холбоотой аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.