УИХ-ын чуулганы хуралдаанаар Сонгуулийн тухай хуулийг хэлэлцэж, эцсийн хэлэлцүүлэгт шилжүүллээ. Хэлэлцүүлгийн үеэр УИХ-ын гишүүд эмэгтэйчүүдийн квотыг нэмэгдүүлэх асуудлаар хэлэлцсэн ч тус санал дэмжигдсэнгүй. Ингэснээр 30 хувь бус 20 хувиар мөрдөгдөхөөр боллоо.
ЭНЭ ҮЕЭР Д.Оюунхорол гишүүн: Эмэгтэйчүүдийн улстөрийн оролцоог нэмэгдүүлэхийн тулд квотыг 20 хувийг 30 хувьд хүргэх юмсан гэж хичээж байна. Нийгмийн харилцаанд эмэгтэйчүүд эрэгтэйчүүдээс дутахааргүй ажиллаж байна. Нөгөө талдаа УИХ-аар баталсан жендерийн тухай бусад хуулиудад тусгалаа олсон шийдвэрүүдийг хэрэгжүүлэхэд шийдвэр гаргагчид хэлсэн ярьсандаа хүрээсэй.
Б.Ундармаа гишүүн: 2016 оны сонгуулиар 13 эмэгтэй гишүүд гарч ирснээр хүүхдийн эрх ашгийг хамгаалах эрүүл мэнд боловсролын салбарт ахиц дэвшил гарч байгаа. Ер нь эрчүүдийн ард хамгийн найдвартай менежер нь эмэгтэйчүүд байдаг ч шийдвэр гаргах түвшинд 20 хувиар орж ирж байгааг бид 30 хувь болгох саналтай байна гэсэн байр суурь илэрхийлэв.
Г.ИТГЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.