Сонгомол, чөлөөт бөхийн Азийн АШТ Улаанбаатар хотод үргэлжилж байна. Өчигдөр чөлөөт бөхийн төрөл эхэлж, Монголын дөрвөн бөх Азийн дэвжээнээс медаль хүртлээ.
Эмэгтэйчүүдийн 50 кг-ын жинд 23 хүртэлх насны ДАШТ-ий хүрэл медальт, 23 хүртэлх насны Азийн аварга, Иван Ярыгиний нэрэмжит “Алтан Гранпри”-гийн аварга, “Хасу-Мегастарс” клубийн тамирчин ОУХМ Цогт-Очирын Намуунцэцэг, 55 кг-д 23 хүртэлх насны ДАШТ-ий хүрэл медальт, “Алдар” спорт хорооны тамирчин, ОУХМ Ганбаатарын Отгонжаргал, 59 кг-д “Будапешт-2018”, “Нур-Султан-2019”, “Осло-2021” ДАШТ-ий хүрэл, Азийн АШТ-ий хошой мөнгө, нэг хүрэл медальтт, “Аврагч” спорт хорооны тамирчин ОУХМ Баатаржавын Шоовдор нар мөнгө, 68 кг-д 23 хүртэлх насны ДАШТ-ий хүрэл, залуучуудын ДАШТ-ий мөнгөн медальт, “Хасу-Мегастарс” клубийн тамирчин, ОУХМ Энхсайханы Дэлгэрмаа хүрэл медаль хүртлээ.
Мөн 76 кг-д “Монголиа Опен”, “Байгаль Опен” ОУТ-ий мөнгө, Иван Ярыгиний “Алтан Гранпри”-гийн хүрэл медальт “Алдар” спорт хорооны тамирчин, ОУХМ Ганбатын Ариунжаргал хүрэл медалийн төлөөх барилдаанд ялагдан, V байрт шалгарлаа.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.